SYUDAD sang Iloilo – Target ni Mayor Jerry Treñas nga himuon nga dialysis center ang east Baluarte Health center sa distrito sang Molo.
Suno sa alkalde kulang na lang ang waste water treatment facility sang health center agud makapasar sa requirements sang Department of Health.
Pahayag ni Treñas magabutang ang syudad sang tatlo ka dialysis machines agud magcater sang kinahanglanon sang mga imol nga residente sang syudad.
“This project is one of our priorities to address the health needs and concerns of constituents. We have a new health center in Barangay East Baluarte in Molo which is a good facility to become a Dialysis Center. I have already talked with Department of Health (DOH) regional office and we need three dialysis machines,” ang pahayag ni Treñas.
Mangin libre ang serbisyo sa mga pigado nga pumuluyo sang syudad.
Nahibaluan nga indi magnubo sa apat ka libo ka pesos ang kada session sang dialysis nga nagalawig sang tubtob sa apat ka oras.
“This initiative will provide free treatment to beneficiaries. This will defray them of P4,000 fees per dialysis session,” ang dugang nga pahayag ni Treñas.
Photo from web
Via Iloilo City Government
