11:15 AM 26 MAR 18
Basi sa pahimangno sa PAGASA ganihang 11:00 sa buntag, gi-wala na sa PAGASA ang tanang Heavy Rainfall Warning sa tibuok Mindanao samtang ang Misamis Oriental; Bukidnon; Misamis Occidental ug Lanao del Norte apektado sa hinay (light) ngadto sa kasarangan (moderate) nga pag ulan sulod sa 1-2 oras.
Madag-umon ang CDO karong orasa.
Pabiling madag-umon ngadto sa hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Madag-umon sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan.)
NORMAL ang LEVEL sa tubig sa mga suba sa Cagayan ug Iponan.
Cagayan de Oro City Disaster Risk Reduction and Management Department pabilin sa pag monitor.
