Hingpit nang nagsugod sa iyang trabaho isip hepe sa Malaybalay City Police Station si Police Supt. Al Abanalez.
Kini ang gipahibalo sa RMN Malaybalay.
Si Abanalez ang nihulip kang Police Supt. Alfredo Ortiz Jr. nga nagsilbing hepe sa Malaybalay City PNP sulod sa duha ka tuig.
Sa interview sa RMN Malaybalay ngadto kang Abanalez, gibutyag niini nga ilawom sa iyang pagdumala, nag-unang prayoridad niya ang pagpadayon sa kampanya kontra illegal nga droga.
Paningkamutan matud pa ni Abanalez nga mahimong drug free ang halos tanang barangay sa Malaybalay City.
Gawas niini, pahugtan usab niya ang police visibility aron makita sa katawhan nga nagtrabaho gayod ang kapulisan.
Ug ang ikatulo mao nga pahugtan pa ang pagpatuman sa balaod trapiko tungod sa taas nga ihap sa aksidente sa kadalanan.
