High Value Target list sang PRO-6 nabuhinan kasunod sang drug buy bust sa San Carlos City

17

Nabuhinan ang lalagson sang Police Regional Office (PRO) 6 matapos nadakpan sa buy bust sang mga otoridad ang 31-anyos nga suspek sa diin nakuhaan ini sang masobra 13 milyones pesos nga balor sang suspected shabu sa 2nd St. Saint Vincent Subdivision, Barangay 1, San Carlos City pasado las-2:00 sang hapon, Setyembre 21.

Sa interview sang DYHB kay Police Lt. Colonel Joem Malong, spokesperson sang PRO-6, ginpahayag sini nga mandato sang bag-o nga PNP chief ang paglagas sa mga high value target (HVT) kag street level target (SLT).

Nakilala ang suspek nga si Emmanuel Siaboc, 31 anyos, nga isa ka HVT samtang nakapalagyo naman ang upod sini nga si William Allones alyas’ Bebe’ nga yara man sa drug watchlist sang mga otoridad.

Samtang, ginpahayag ni Malong nga dapat may aksyon na ang San Carlos police kasunod sang report nga ang P47.6 million nga suspected shabu nga na-recover sa buy bust sa Brgy. Guadalupe, Cebu City sang Setyembre 20 ang gikan sa nasambit nga ciudad.

Ini apisar pa suno kay Malong nga ginakabig lang ang ciudad nga transient points ukon alagyan lang sang iligal nga druga.

[image: image.png]

Facebook Comments