Pagkaaresto sang high ranking officials sang NPA sa syudad sang Guihulngan, hustisya sa mga pulis nga napatay sa ambush sang 2017 suno sa Phil. Army

20

Ginakabig sang Philippine Army (PA) nga hustisya para kapulisan nga napatay sa ambush sa Guihulngan City, Negros Oriental sang 2017 ang pagkaaresto sang siyam ka mga persona lakip na ang duha ka high-ranking officials sang New People’s Army (NPA) sang Setyembre 20 sa nasambit nga ciudad.

Nahibaluan nga nagtingob ang 62IB sa idalom sang 303rd Infantry Brigade, 6th Special Action Force kag personnel sang Guihulngan City Police Station sa pag-operate kag pag-serbe sang warrant of arrests sa Brgy. Buenavista sa diin naaresto sanday Nona ESPINOSA @ Ava/Jelay, Deputy Front Secretary sang Central Negros 1 Front, KR-NCBS kag Adidas ACERO @Baldo/BJ, Vice Commander, Front Operational Command; Lea Niles Y Canja @Susan; Xian Flores Batiken; Rodrigo Benlot Y Himino @Morri,; Felix Policher Y Baquilta @Rusi; Analyn Flores y Matusada @Myniel; Crispin T Diano kag Juravilla Baloy Y Eno.

Narekober sa mga suspek ang nanari-sari nga armas, bala, granada, dental kag medical instruments, pass book, mga libro kag iban pa nga dokumento, lakip na ang .9mm Glock17 pistol nga suno kay Col. Melvin Flores, commander sang 62nd IB, ginapanag-iyahan ni chief Superintendent Arnel Arpon, anay hepe sang Guihulngan CPS nga napatay sa ambush upod sa lima pa ka mga pulis kag isa ka sibilyan.

Suno kay Flores, upod ang mga suspek sang gin-ambush ang tropa ni Arpon sang Hulyo 2017 sa diin napatay man sanday Senior Police Officer 2 (SPO2) Mecasio Tabilon, SPO2 Chavic Agosto, SPO1 Jesael Ancheta, PO2 Alvin Paul Bulandres, kag PO2 Alfredo Dunque kag ang sibilyan nga si Michael Jambalos.

[image: image.png]

Facebook Comments