Higit 48,000 mag-aaral, nabigyan na ng educational assistance ng DSWD

184

Patuloy ang ginawang pamamahagi ng educational assistance ng Department of Social Welfare and Development (DSWD) sa buong bansa.

Sa ngayon ay aabot na sa 48,033 na mag-aaral ang nabigyan ng educational assistance ng DSWD.

Nasa P1,000 ang matatanggap na tulong ng mga batang nag-aaral sa elementarya; P2,000 sa High School; P3,000 sa Senior High School at P4,000 para sa mga college at vocational students.


Kabilang sa mga maaaring mag-apply sa educational assistance ay working student, mga nag-aaral sa vocational at technological school gayon din ang state colleges and university (SUC).

Maaari ding tumanggap ng tulong pinansyal ang mga mag-aaral na biktima ng displacement o relokasyon pamilyang repatriated o pinauwi mula sa ibang bansa at deportees.

Kabilang sa.mga requirements ang photocopy ng ID ng estudyante at magulang, enrollment assessment form, certificate of enrollment o registration na may tatak ng certificate of true copy.



Samantala, base sa datos as of 2:30 AM ngayong araw ay ₱141,049,500 na ang naipamahaging tulong pinansyal sa buong bansa, pinakamalaki sa Region 6 at 1 na may tig-₱20milyon habang na may higit sa 5,000 estudyante.

Sa Metro Manila ay nasa 1,594 na mag-aaral pa lamang ang nag-avail ng nasabing programa o katumbas ng ₱4,191,000.


Habang sa central office naman ng DSWD sa Quezon City ay may 2,149 na estudyante na ang nag-apply sa programa at naipamahagi ang ₱7,844,000.

Facebook Comments