Natabo ang aksidente pasado las 12 sang kaagahon, Enero 23 sa Highway sang Had Sagrado 2, Barangay Zone 16, Talisay City kun sa diin napatay ang naga drive sang awto nga si Jaoquin Sebastien Garcia, legal ang edad sang Barangay Estefania Bacolod City samtang naka angkun sang samad ang duha ka pasahero sini nga sanday Nikko Ojoy, 19 anyos kag Alysa Hinojales sang Iloilo City.
Suno kay Jero Torico Jr. isa sa nag rescue kag nagdala sang mga biktima sa ospital posibli madasig ang dalagan sang awto kag nadulaan sang kontrol ang driver sa pagliko sa kurbada gani nahulog sa tamburong sa pihak nga lane kag nagbaliskad sang maka tatlo ka beses antes nag bunggo sa puno sang kahoy kag nag pilpil sa driver nga nag labog halin sa driver seat.
Si Garcia ang hinablos ni Moises Padilla Mayor Ella Garcia Yulo kag bata sang gin-ambush nga utod sang alkalde nga si former ABC President Mark Garcia.
[image: image.png]
