Hog raisers sa 12 ka mga Barangay, mahatagan na og indemnification cash assistance!

14
Pakigpulong sa mga backyard hog raisers/Photo by City Vet

Gipaspasan sa Anti-African Swine Fever Task Force sa syudad ang pagproseso sa indemnification cash assistance alang sa mga backyard hog raisers nga gikan sa mga barangay nga uwahing naapektuhan sa ASF.
Nasayran nga sa kasamtangan 12 ka mga barangay ang nakalinya alang sa paghatag og indemnification basi sa listahan sa City Veterinary Office ug Agricultural Productivity Office kon APO.  Hinungdan nga doble ang paningkamot sa duha ka mga buhatan sa pagproseso aron mahatag na ngadto sa mga apektadong farmers ang indemnification cash assistance.

Samtang gihangyo ni Acting City Veterinarian Dr. Lucien Anthony Acac ang mga apektadong farmers sa igong pagsabot kung malangan ang paghatag sa indemnification cash assistance ilabina nga adunay gisunod nga proseso nga maoy gikinahanglan sa buhatan sa Commission on Audit kon COA.
Sa pagkakaron, moabot na sa 30 ka mga barangay ang naapektuhan sa ASF ug 1,000 ka mga hog raisers na ang apektado ug moabot na sa P4.856-M nga indemnification cash assistance ang na-released sa syudad.
Nunot usab niini, gihangyo ni Dr. Acac ang katawhan nga taliwala sa nagpadayon nga hulga sa ASF sa industriya sa pagba-baboy nga likayan ang pagkolekta, pagpalit ug pagbaligya sa mga leftover nga pagkaon gikan sa restaurants, hotels, barko ug uban pa nga mga establisimento aron ibahog sa baboy. Ang pork-based nga pasaw usa sa gitudlo nga source of infection sa ASF.
Source: Cagayan de Oro CIO
Facebook Comments