General Santos City–Mahatag na gyud sa mga BCCF ang ilang honorarium human nga naaprobahan na sa Sangguniang Panglungsod ang budget alang sa binepisyo sa mga nahisgutan.
Sumala ni City Councilor Jeng Gacal, Chairman sa kometiba sa Finance sa konseho nga mokabat sa 48, 800,000 ang pundong ilang giaprobahan alang sa mga BCCF.
Matud sa konsehal 2 mil matag bulan ang madawat sa matag BCCF ug base sa pundong una nang giaprobahan duha ka bulan nga sweldo ang madawat sa mga nasangpit.
Dugang ni Gacal nga dako matud pa ang tabang sa mga miyembro sa BCCF sa kampanya sa gobyerno batok sa Covid-19
Tungod niini angayan lamang nga ilang madawat ang ilang honorarium.
Dungan niini nagpasalamat ang konsehal sa mga BCCF sa dakbayan tungod sa ilang gipakitang kugi luyo paman sa kakapoy sa ilang trabaho.
