Naaprobahan na kagahapong adlawa sa komitiba sa Basic Education ang House Bill ni 2ND District Congressman Rufus Rodriguez, nga mao ang River Cultural Heritage Zone.
Matud ni Cong. Rodriguez, nga ang Cagayan de Oro river usa sa mga class A nga suba sa tibuok nasud nga nagpasabot nga walay pollution.
Dugang pa sa kongresista nga ang suba sa Cagayan de Oro matawag og best tourist destination tungod sa kahinlo niini.
Adunay lima ka rason kung nganung gideklara ni 2nd District Congressman Rufus Rodriguez nga cultural heritage river ang suba sa Cagayan de Oro.
Matud ni Cong. Rodriguez nga nakita sa suba ang mga klase sa bato nga gigamit sa una pa nga panahon.
Kini ang hinungdan nga dili niya buot nga mabutangan og factory ang area tungod kay madaut ang suba sa mga ipagawas unya niini nga mga kemikal.
Dugang pa ni Cong. Rodriguez nga kung adunay negosyante nga buot mobutang og negosyo daplin sa suba, kinahanglan nga tan-awon og ayo sa Department of Environment and Natural Resources ug local nga pangagamhanan ning syudad nga dili kini makadaot sa suba.
