Detinado karon sa Police station 4 Carmen ang usa ka lalaki human nga misulod sa usa ka panimalay sa Zone 1, Punta- Barangay Bonbon ning syudad.
Suspek nailang si Rey Amit Barasan, 35 anyos, taga Mambato Agora, Barangay Lapasan ning syudad.
Nasayran nga ala 1:25 sa kadlawon kagahapong adlawa hubog nga misulod ang suspek sa panimalay sa biktima nga si Segundo Paumar, 72 anyos, minyo, residente sa maong dapit.
Giigong gihawiran sa suspek ang hawak ug ang ulo sa biktima ug miingon pa nga ‘’Happy New Year’’ ayha gisulayan og abis ang liog niini.
Maayo na lang kay nawakli sa biktima ang kamot sa suspek hinungdan nga ang naabis sa kutsilyo mao ang ubos nga bahin sa iyang wa-it.
Samtang dili matud pa kaila sa suspek ang biktima.
Kini ang gibutyag sa suspek nga si Rey Amit Barasan, sa pakighinabi sa RMN-DXCC.
Matud ni Barasan nga hubog lamang siya niadtong panahona busa nakasulod siya sa panimalay sa biktima.
Nasayran nga gidala sa hospital ang biktima nga si Segundo Paumar human nga maabis ang ubos nga bahin sa wa-it niini.
