ISABELA, NEGROS OCCIDENTAL – Lalaki nga nagpang-disturbo sa nagapang-caroling, ginbuno may mga las 9 kagab-i sa Brgy. San Agustin, banwa sang Isabela.
Ginkilala ang biktma nga si Joemari Solomon, 41 anyos, soltero, residente sang Sitio Pidpid, Brgy. San Agustin, Isabela samtang ang suspek naman nakilala kay Jay-ar Sario, 26, soltero ksag pumuluyo man sang amo nga lugar.
Suno sa imbestigasyon sang Isabela Municipal Police Station nga ang suspek kag ang iya grupo ang nagpatigayon sang caroling sa isa sa mga puluy-an sa ila lugar.
Ang biktima nga ginaalegar hubog ang nagpalapit sa naga caroling kag nagsaut-saot sa tunga nga nagtuga naman sang misunderstanding kag paglalisay sa tunga sang duha.
Bangud sini, nagkuha ang suspek sang kutsilyo kag gin-alegar nga iya ginbuno ang biktma nga naigo sa iya buli.
Gindala sa Isabela District Hospital ang biktima samtang ang suspek naman detained karon sa custodial facility sang Isabela MPS./dyHB BACOLOD
