General Santos City— Gipagawas na sa Police Regional Office 12 ang hulagway sa duha ka mga suspek nga responsible sa pagbilin sa duha ka bomba sa South Seas Mall sa Cotabato City milabay’ng disyembre 31 kung asa duha ang patay samtang kapin 30 ang samdan.
Sumala kang Police Superintendent Aldrin Gonzales, tigpamaba sa PRO 12 nga ang mga hulagway ang gikan sa CCTV footage sa maong mall.
Sa karon, wala pa silay gihuptan nga pangalan sa mga suspek o posibleng grupo nga ilahang gikalambigitan samtang nagapadayon ang ginahimong imbestigasyon sa otoridad.
Dugang pamahayag ni PSupt. Gonzales nga ayha gipagawas ang hulagaway sa duha ka suspek gitun-an kini sa mga imbestigador ingon man cybercrime group.
Base sa kuha sa CCTV, ang batan-ong suspek maoy nagbilin sa bomba sa entrance nga bahin sa mall nga mibusikad ug kini usab maoy nagbilin sa bag sa baggage counter sa 2nd floor samtang ang tigulang nga nakuha sa CCTV footage maoy nagsilbing look-out.
Sa karon matud pa ilahang gina-tan-aw ang tanang anggulo apan ilahang ginatutukan ang posibleng konektado sa nagsingabot nga plebitos sa ol gumikan adunay mga pabor, adunausab babag ingon man ang posibleng pagpanimalos ngadto sa otoridad gumikan sa as gipakusgangoperasyon sa kapulisan ug militar.
