KABANKALAN CITY, NEGROS OCCIDENTAL – Ginhingyo na sang Kabankalan City Police Station ang SOCO nga gilayon magpatigayon sang autopsy ukon postmortem examination sa natabo nga pagtiro patay sa isa ka abogado may mga las 10:30 kagab-i sa Rojas St., Brgy. 5, Kabankalan City.
Ang biktima ginkilala kay Atty. Benjamin Ramos, 56 anyos ang edad, kasado kag pumuluyo sang Brgy. Binicuil, ciudad sang Kabankalan kag isa ka human rights lawyer
Samtang gilayon naman nga nagpalagyo ang duha ka mga wala makilala nga suspek matapos gintiro ang amo nga abogado.
Suno sa Kabankalan CPS ang biktima nag-angkon sang 3 ka igo sang bala sa tuo niya nga likod kag wala (left) nga ibabaw sang iya dughan.
Gindala pa ang biktima sa Holy Mother of Mercy Kabankalan City Hospital apang gin-declare dead on arrival sang attending physician./dyHB BACOLOD
