ILOILO CITY – Nagapanguna karon nga kabangdanan sang kamatayon sang mga taga-siyudad sang Iloilo ang non-communicable disease nga hypertension.
Suno kay Dr. Bernard Caspe, City Health Officer nga sang nakaligad nga tinuig, ang infectious diseases kasubong sang pneumonia ang pinaka-makamamatay nga balatian apang nalabawan na ini karon sang non-communicable disease kasubong sang hypertension kag diabetes.
Ini suno kay Caspe ang may kaangtanan sa unhealthy lifestyle sang mga pumuluyo bangud masami nga pagkaon sang fastfoods kag halos wala naman naga-exercise ang kalabanan.
Angut sini, ginapanugyan ni Caspe sa publiko nga dapat mag-observe gid sang healthy lifestyle, likawan ang fastfoods kag maghatag gid sang tion sa pag-ehersisyo.
Suno pa sa iya nga sa may mga hypertension, dapat magtumar sang bulong sa husto nga tion kag magpa-check gid pirme snag blood pressure.
Suno sa iya nga may libre nga BP check-up sa mga health centers sa kabarangayan sang syudad kag may ginahatag man ang City Health sang libre nga bulong para sa hypertension.
