ANG interbyu sa pagpangita og trabaho di sayon. Bisan pa kon nakasuway ka na og managlahi nga klase sa trabaho, di lang gihapon lalim ang pamation sa dughan gumikan kay kita makig-atubang sa nagkalain-lain nga tipo sa tawo. Di pud magpauwahi ang kakulba nga kita masipyat sa pagpanulti labi na sa pagtubag sa mga pangutana kanato nga surprising sab kaayo.
Alang sa mga nangaplay og trabaho labi na sa mga first timers, ania ang listahan sa kon unsa ang angay buhaton ug di angay buhaton sa pag-atubang og interbyu.
A. Angay buhaton:
1. Kinahanglan ka nga moabot sa saktong oras o pila pa ka mga minutos sa di pa magsugod ang interbyu. Gumikan kay naay posibilidad nga mamaynusan imong puntos kon ikaw malangan.
2. Panimbaya o mo greet sa mointerbyu nimo og “Hi” o “Hello.” Mas nindot sab kon mo greet kita nga nasayod sa iyang ngan.
3. Angay kita maghuwat nga palingkuron usa kita magtarong nga molingkod ug magpakita sa kaalerto ug ka interesado sa maong interbyu pinaagi sa maayo nga pagpaminaw sa kaatubang ug kinahanglan di mawala ang tam-is nga pahiyom.
4. Siguraduha nga tinud-anay nga naa sa maayo nga punto ang imong pagtabi. Ipakita sa kadaghanan ang imong abilidad sa pagpanginabuhi ug kon unsa ang imong mahimo nga makatampo alang sa kauswagan sa maong kompaniya.
B. Di angay nga buhaton:
1. Likayi nga motubag lang og YES o NO sa mga pangutana. Angay kita maninguha nga makapabuhagay sa kaugalingon bahin sa kon unsay gihisgutan.
2. Di angay mamakak. Angay kitang motubag o mosulti kon unsay kamatuoran labi na kon bahin na sa kaugalingon.
3. Di angay mosaysay og bati bahin sa una nga gitrabahuan. Kon mahimo, angay kitang mopaambit og positibo nga palibot.
4. Kon ikaw na discourage o na dismaya sa maong kompaniya, ayaw pagluya-luya o magpakita og di maayo nga linihukan, angay nga mopakita lang gihapon sa tam-is nga pahiyom.
SOURCES: www.sunstar.com.ph, (Rizza J. Jairi CNU BA-Communication Intern)
Picture Source Credited To: http://www.jobworkhiring.com
