BAG-O lang ba kamo nagbuwag sa imong hinigugma? Samtang ang panahon mokalit lang sa pagpakalimot kanimo sa kasakit, ania ang mga pamaagi aron mabuhi ug malipay ka pagbalik.
- Pagkamapasalamaton – Hunahunaa ang mga butang nga makapalipay nimo. Ang kaanindot sa kalibutan ug buhi ka pa. Usa sa labing importanteng butang aron nga makaangkon ka og kagawasan sa imong pagbati sa panahon nga ikaw magul-anon mao ang paghuna-huna og positibo nga mga butang.
- Buhata ang mga butang nga alang sa imong kaugalingon – Ang panagbuwag dili lang makaapekto sa imong hunahuna, apilon pud niini pagkutkot ang imong kusog ug gana sa pagkaon. Aron malingaw ka ug makuhaan ang oras nga magsige kag hinuktuk ug huna-huna sa imong problema, pagkuri-kuri sa inyong balay. Limpyohi ang imong kwarto, kusina o bisan asa nga parte sa imong balay. Inig dayon nimong katog, paglista usab og mga buhatunon nimo para ugma.
- Hunongi na ang pag-stalk sa imohang ex – Likayi na ang pagsige og view sa Facebook profile sa imohang ex, pagtan-aw sa bag-ong upload nga mga larawan niini ug pagbasa sa comments sa mga babaye. Kon mahimo, i-block na lang na siya. Dili man sa bitter ka niya, apan dako kaayo ni og tabang aron makalimot ka niya. Ayaw na pud adtoa ang mga lugar nga sagad ninyong laagan sa una labi na ang paglakawlakaw kunohay dapit sa ilang balay aron makakita ka niya.
- Pagpagwapa/pagpagwapo – Usba ang imohang hairstyle, bag-oha imohang kaugalingon. Kon ganahan ang imohang ex sa style sa imohang buhok sa panahon nga kamo pa, usba kini. Mao na kini ang panahon sa bag-ong ikaw.
- Ayaw sigeg paminaw og love songs – Tangtanga ang plug sa imong radio ug tagui kini, para di pud ka kapaminaw ug radio, Limpyohi ang imohang music files, USB flashdrives ug pulihi kini og mga tukar nga makapa-inspired nimo. Pilia ang mga kanta nga makapalig-on nimo nga makaingon ka nga: “YES, I can do this, I’m still here and I’m going to be better than ever.”
Picture Source: Woman.ph
(www.dailytransformations.com/ Cathyrine Gingoyon ug Jasmin Fernandez-CNU Comm Interns
Facebook Comments
