Sige lang ba kag ka LOWBATT?
9 tips para makadaginot sa cellphone battery
Kada adlaw na lang nato ginagamit ang cellphone mapatawag man o text samot na kung magsurf ka internet, tungod ni ana dali ra malow batt ang imong cellphone battery. Ayaw’g kabalaka ani a ang mga tips aron makadaginot sa cellphone battery.
01. Pawnga kon dili gamiton – Buhata kini kon matulog ka o mag meeting mo.
02. Pawnga ang vibrations – Patsada ang vibration alang sa notifications sa tawag o text ilabina kun ana sulod sa sinehan o anaa sa meeting. Apan kon wala kini kinahanglana mas maayo nga ringtone imong gamiton kay kusog mokaon og batterya ang vibration.
03. E-adjust ang brightness sa screen – Dili sa tanang panahon kinahanglan naka 100% ang kahayag sa screen sa cellphone mahimong iadjust to 30-50% aron dili sakit sa mata o dili madaut ang mata tungod sa radiation tipid pa sa batterya.
04. Pamub-i ang imong screen time out – Para magtaas ang battery life sa imong phone pamub-i ang screen time out mga 15sec o 1 min.
05. E-Close ang nga Apps nga wala ginagamit – Sa panahon karon dali ra ang magdownload og application sama sa games o photo editor, ang multi-tasking capability kumon sa mga smart phone apan mao usab kini ang makahurot sa
baterya.
06. E-Disable ang GPS – kini dali nga makapaubos sa baterya busa i-off kung dili kinahanglanon
07. E-Off ang DATA/WIFI/BLUETOOTH – kini sila ang grabe mo hurot sa life span sa imong baterya o dali ra nga moinit ang imong cellphone. Busa kanunay icheck kung nakaoff bani sila.
08. i-Airplane mode – Kung magcharge ug wala gipaabot nga text o tawag mamahimong i-airplane mode ang cellphone aron walay disturbo ug dali ra kini machrge.
09. E-mintinar nga bugnaw imong gadget – Ayaw ibilin imong cellphone nga nagbuwad sa init o sa init nga lugar.
Source: Sunstar Superbalita newspaper
Image credit: Digital Trends
