iDOL, ang kuryente ang usa sa pinakaimportante nga panginahanglanon sa matag
adlaw nga pagpanginabuhi sa tawo. Pila lang gani ka oras nga walay kuryente o
brownout, bagulbol na dayon kay igang ug mga lobat ang mga gadgets ug usa usab kini sa mga delikado nga matang sa enehiya nga pwedeng ikamatay sa tawo kung makoryentehan.
Ania`y tips para sa publiko kung unsay angayan nga buhaton sa kuryente aron dili
makamungna ug sunog, brownout ingon man makadaginot sa binuwan nga
bayranan ug mahalikay sa peligro.
01. Likayi ang pagpalupad ug tabanog sa mga lugar nga adunay linya sa sa kuryente o pwerlines. Ang tugot sa tabanog mamahimong mosangit sa linya sa kuryente ug posibleng maoy hinungdan sa power interruption.
02. Kung mobakasyon ang tibook pamilya, siguraduha nga gipang unplug ang tanan
nga appliances ug electric operated nga mga butang.
03. Ayaw ug hikap o hawid sa mga de kuryente nga dulaan o mga gamit kung basa ang kamot.
04. Mas maayo nga ilisan ang mga incandescent nga suga ngadto sa mga LED nga mga suga aron makadaginot sa kuryente.
05. Sa mga nanarbaho sa contruction, likayi ang mopadoul sa mga linya sa kuryente labi na ug live kini nga mga mga wirings ug walay electrical tape. Magmintinar ug tulo ka metros gikan sa linya sa mga kuryente o tinubdan niini.
Kini nga mga giya dako ug ikatabang kanato ayaw ug kompyansa sa kuryente kay kini mamahimong ikamatay nimo…
Source: https://www.pressreader.com/
Image credit: https://www.livemint.com
