Sige lang ba kag ka LOWBATT?
9 tips para makadaginot sa cellphone battery
Kada adlaw na lang nato ginagamit ang cellphone mapatawag man o text samot na kung magsurf ka internet, tungod ni ana dali ra malow batt ang imong cellphone battery. Ayaw’g kabalaka ani a ang mga tips aron makadaginot sa cellphone battery.
1. Palunga kon dili gamiton
Buhata kini kon matulog ka o mag meeting mo.
2. Palunga ang vibrations
Patsada ang vibration alang sa notifications sa tawag o text ilabina kun ana sulod sa sinehan o anaa sa meeting. Apan kon wala kini kinahanglana mas maayo nga ringtone imong gamiton kay kusog mokaon og batterya ang vibration.
3. i-adjust ang brightness sa screen
Dili sa tanang panahon kinahanglan naka 100% ang kahayag sa screen sa cellphone
mahimong iadjust to 30-50% aron dili sakit sa mata o dili madaut ang mata tungod sa radiation tipid pa sa batterya.
4. Pamub-i ang imong screen time out
Para magtaas ang battery life sa imong phone pamub-i ang screen time out mga 15sec o 1
min.
5. i-Close ang nga Apps nga wala ginagamit
Sa panahon karon dali ra ang magdownload og application sama sa games o photo editor, ang multi-tasking capability kumon sa mga smart phone apan mao usab kini ang makahurot sa baterya.
6. i-Disable ang GPS
kini dali nga makapaubos sa baterya busa i-off kung dili kinahanglanon
7. i-Off ang DATA/WIFI/BLUETOOTH
kini sila ang grabe mo hurot sa life span sa imong baterya o dali ra nga moinit ang imong
cellphone. Busa kanunay icheck kung nakaoff bani sila.
8. i-Airplane mode
Kung magcharge ug wala gipaabot nga text o tawag mamahimong i-airplane mode ang
cellphone aron walay disturbo ug dali ra kini machrge.
9. I-mintinar nga bugnaw imong gadget
Ayaw ibilin imong cellphone nga nagbuwad sa init o sa init nga lugar.
Picture Source: VIX
Source: Sunstar Superbalita newspaper
