ICJ, wala raw hurisdiksyon sa pagresolba sa reklamo ng OFWs na naapektuhan ng travel ban sa Hong Kong

81

Iginiit ng Department of Justice o DOJ na walang hurisdiksyon ang International Court of Justice o ICJ sa hirit ng OFWs na bawiin ang travel ban sa Hong Kong kaugnay ng Corona Virus Disease o COVID-19.

Partikular ang apela ng isang libong OFWs sa ICJ kung saan agad na pina-aaksyunan ang kanilang hiling para makabalik na sila sa trabaho.


Ayon kay Justice Secretary Menardo Guevarra, hindi maaaring manghimasok ang ICJ sa mga usapin sa Judicial Systems, Public Health o Migration na kaya namang resolbahin ng National Government o iba pang kaukulang international agencies tulad ng World Health Organization o WHO.

Binigyang-diin pa ng kalihim na ang desisyon na higpitan ang Foreign Travels o biyaheng papasok at palabas ng bansa ay “sole prerogative” ng pamahalaan.

Bukod sa Hong Kong, sakop ng din travel ban ng pamahalaan ng Pilipinas ang Mainland China at Macau.

Facebook Comments