LA CASTELLANA, NEGROS OCCIDENTAL – Natiruhan ang isa ka lalaki nga buot gid lamang kuntani magtambag sa isa ka inaway sa Brgy. Sag-ang, banwa sang La Castellana kagab-i.
Nakilala ang biktima nga si Joel Villanueva, 26 anyos ang edad, soltero kag pumuluyo sang Sitio Minnesota, Brgy. Sag-ang, La Castellana.
Base sa imbestigasyon sang pulis, ang biktima ang magatambag gid lamang kuntani sa isa ka komosyon nga natabo sa amo nga lugar pasado las 10 sang gab-i.
Apang, aksidente naman nga ang biktima pa amo ang natiruhan sang wala makilala nga suspek.
Nag-angkon sang isa ka igo sang bala sa iya buli kag duha ka igo sa iya likod si Villanueva./dyHB BACOLOD
Facebook Comments
