Basi sa datus nga gi-presentar sa Department of Health, laumang mas motaas pa ang ihap sa mataptan sa sakit nga dengue sugod karong bulana hangtud sa sunod bulan.
Kini tungod kay dunay mga masinating pag-ulan sugod Agosto hangtud Sityembre.
Basi sa datus, dunay natalang kaso sa dengue dinhi sa siyudad sa tuig 2017 nga mokabat sa 561, misaka kini sa 859 sa tuig 2018 ug karong tuiga, miabot na sa 301 ang nataptan sa maong sakit taliwala nga naa pa lang sa bulan sa Agosto.
Alayon niini, dunay gidugang nga upat ka ward sa JR Borja General Hospital human misaka ang ihap sa mga pasyenteng nagbaton sa maong sakit.
Una niini, gipa-aktibo na ang fast lane aron daling maatiman ang mga dunay sakit nga dengue.
Facebook Comments
