Gisaulog karon sa syudad sa Cagayan de Oro ug probinsya sa Misamis Oriental ang ika-120 ka tuig nga Adlaw sa Kagawasan.
Gipakayab sa lokal nga kagamhanan sa Cagayan de Oro ang dakong bandila kaganihang buntag sa Divisoria ning syudad.
Ang kasaulogan gipangunahan ni Cagayan de Oro City Mayor Oscar Moreno.
Lakip sa mitambong sa kasaulogan ang kapulisan nga gipangulohan usab ni Police Chief Supt. Timoteo Pacleb, Regional Director sa Police Regional Office 10, mga opisyales sa nagkadaiyang ahensya sa gobyerno, Non-Government Organizations, Barangay Officials, Veterans, mga empleyado ug opisyales sa syudad ug katawhan.
Samtang sa Misamis Oriental, gipangulohan usab ni Misamis Oriental Governor Bambi Emano ang pagpakayab sa nasudnong bandila.
Nahimong guest speaker atol sa kasaulogan si Department of Interior and Local Government Assistant Secretary for Barangay Affairs Rosque Calacat.
Ang kasaulogan dunay tema nga “Kabag-oha’ng gipakigbisugan alang sa mabulokong kaugmaon”
