Roxas City, Capiz- Nangin madinuagon ang pagkomemorar sang ika- 124 nga anibersaryo sang pagpatay sa baganihan nga si Dr. Jose P. Rizal sa probinsya sang Capiz subong nga adlaw sang Miyerkules, Disyembre 30.
Yara nagtambong sa amo nga aktibidad sa Rizal Monument sa atubang sang provincial capitol ang mga katapo sang Knights of Columbus, Veterans Federation of the Philippines – Capiz Chapter, kapulisan sang Roxas City PNP, mga katapo sang Masons of the Philippines Makawiwili Lodge No. 55 – Roxas City subong man local officials sang syudad kag probinsya.
Ang subong nga selebrasyon ang may yara sang tema nga “Inspirasyon sa Pagbangon at Paghilom ng Bayan,” kun sa diin ini ang naka-sentro sa kun paano nagabangon ang pungsod subong nga pandemya.
📷 PTCAO
