Sa Ikaduhang higayon, nakadawat na usab og Seal of Good Education Governance ang lokal nga kagamhanan sa Cagayan de Oro.
Kini nga award gihatag sa Synergeia Foundation, grupo sa mga indibidwal, institusyon ug organisasyon nga gatrabaho aron mapalambo ang kalidad sa basic education sa nasud.
Ang maong seal ginahatag sa usa ka lokal nga kagamhanan nga epektibong nahimo ang tanang sistema ug proseso sa paghatag sa basic education aron makab-ot ang damgo sa mga kabataang Pilipino.
Ang United States Agency for International Development kon USAID naghatag usab og pundo alang sa maong programa.
Matud sa Cagayan de Oro City Information Office nga ang maong award gidawat ni Mayor Oscar Moreno, Vice Mayor Raineir Joaquin Uy, pipila ka mga miyembro sa City Council, department heads atol sa 12th Washington Sycip National Education Summit sa Philippine International Convention Center sa Pasay City kagahapong adlawa.
Tungod niini, ang syudad makadawat og incentive gikan sa PLDT/ Smart telecommunication company nga 1.5 million pesos worth sa communication packages lakip ang 100-thousand pesos worth sa lana gikan sa Sea Oil, playground equipment gikan sa SGV ug mga libro gikan sa Robredo Foundation.
