Naipadala na ng Office of the House Secretary General sa tanggapan ni House Speaker Faustino “Bodjie” Dy III ang ikatlong impeachment complaint na inihain laban kay Vice President Sara Duterte nitong February 9.
Ayon kay House Secretary General Cheloy Garafil, pormal na na-transmit ang reklamo sa opisina ng House speaker kagabi, alinsunod sa Konstitusyon, patakaran ng House of Representatives, at umiiral na protocol.
Ang mga complainant sa impeachment complaint ay mga pribadong indibidwal na kinabibilangan ng mga pari at madre, civil society leader, at mga abogado.
Si House Deputy Minority Leader Leila de Lima ng Mamamayang Liberal (ML) Party-list ang nag-endorso sa ikatlong impeachment complaint laban kay Duterte.
Nauna nang naipadala sa tanggapan ng House speaker ang dalawang naunang impeachment complaint na inihain laban kay Vice President Sara Duterte noong February 2.
