Gikompirma sa 4ID Philippine Army nga nagpositibo sa Covid-19 ang nadakpang iladong miyembro sa New People’s Army (NPA) nga si Adelaida Magpatoc alyas “Loida” didto sa Quezon, Bukidnon.
Kini ang gibutyag pinaagi sa facebook post sa 4ID Philippine Army kagahapon diin gipanawagan usab nga maglikay ang publiko sa rebeldeng NPA.
Madumduman nga adtong milabayng lang usab nadakpan sa hiniusang operasyon sa mga kapulisan ug kasundaluan si Magpatoc diin giilang Consultant sa National Democratic Front (NDF) ug kanhi Secretary sa Front Southern Mindanao Regional Committee (FSMRC).
Si Magpatoc usab ang anaay patong sa ulo nga mukabat sa P5.3M diin patong-patong nga kasong Robbery with Double Homicide and Damage to Property ug Rebellion ang ipasaka batok kaniya.
