Nakaranas ng pagbaha sa Ermita, Maynila kasunod ng katamtaman hanggang malakas na pag-ulan na naranasan sa Metro Manila at karatig probinsya kahapon, ika 12 ng Marso.
Sa UN Avenue corner ng Taft Avenue, napabalitang sinusuong ng mga commuter at motorista ang baha.
Pahirapan din ang pagdaan ng ilang motorista sa T.M. Kalaw malapit sa Taft Avenue.
Ayon pa sa ulat, naging stranded ang ilang mga pasahero sa lugar.
Bago rito, naglabas ang PAGASA ng thunderstorm advisory na makakaapekto sa Metro Manila, Pampanga, Laguna, Quezon at Batangas na makakaapekto sa susunod na tatlong oras.
Facebook Comments
