South Cotabato – mikabat ngadto sa 228 board feet nga mga kahoy kansa iligal nga gipamutol ang narekober sa Sitio Sepaka, Barangay Tasiman, Lake Sebu, South Cotabato.
Nasayran nga dunay nakareport ngadto sa Lake Sebu Municipal Police Station ug MENRO-Lake Sebu bahin sa gikaingong mga pinutol nga kahoy hinungdan nga dali kining girespondihan sa Awtoridad.
Subay sa taho pulos nga kahoy nga Lawaan ang mga narekober sa lugar nga gibana-banaang mukantidad ug P11,000.
Igo ra kining gibyaan sa lugar sa mga responsabli sa pagputol niini. Sa karon ang mga narekober nga kahoy ang anaa na sa kustudiya sa MENRO-Lake Sebu.
Facebook Comments
