Nagpahimangno karon ang Land Transportation Franchising and Regularity Board kon LTFRB sa Northern Mindanao sa tanang operators ug drivers sa Public Utility Jeep o PUJ nga likayan ang pagdugang sa singil sa pamasahe mintras wala pay bag-ong mando ang LTFRB.
Matud ni LTFRB Region 10 Director Aminoden Guro nga mag-atubang sa multa ang si kinsa mang operator ug drivers sa mga PUJ nga mangolikta sa plite sa Jeep nga labaw sa minimum fare.
Gibutyag ni Guro nga wala pay desisyon ang LTFRB sa petition for fare increase nga gipasaka sa pundok Trafecco busa 7.50 pesos pa gihapon ang minimum nga plite sa mga PUJ sa unang upat ka kilometro ug piso ug 40 centabos alang sa sunod-sunod nga kilometrahi.
Kini ang gipahimangno ni Guro human iyang nadawat ang report ug reklamo sa mga pasahero sa Barangay Bugo.
Sigon sa reklamo nga nadawat ni Guro nagbutyag nga ang mga operators ug drivers sa Barangay Bugo nagpa-uminto na sa ilang singil sa pamasahe gikan sa 3 ngadto sa 5 pesos kada pasahero bisan wala pay bag-ong taripa ang LTFRB
Matud ni Guro nga ang mga drivers ug operators sa rota sa Bugo, illegal nga nangoliktag 25 pesos kada pasahero gikan sa Bugo paingon sa Cogon Public Market ning syudad, imbis ang minimum fare sa maong rota 20 pesos lamang kada pasahero.
