Sapon sa mga personahe sa Public Employment Services Office kon PESO sa City Hall ang usa ka nagpailang agent officer sa tulo ka man power agency nga gapang-recruit og mo-trabaho sa gawas sa nasud.
Suspetsado nailang si Maricel Jorigue, 34 anyos, residente sa Lanise, Claveria, Misamis Oriental.
Matud ni Kathleen Kate Sorilla, head sa PESO nga una niini kagahapong adlawa dunay midangop sa PESO alayon na sa recruitment sa usa ka man power agency rason nga ila usab gikontak ang gikabutyag nga agency nga ng recruit ug nasayrang walay schedule ug ang suspetsado dili nila tawo.
Gikabutyag usab nga kagahapong adlawa schedule interview na sa unom ka nangaplay abroad nga parehong taga Claveria, Misamis Oriental ug ila na kining gipa-adtoan sa mga personahe sa PESO ug gidala kining suspetsado sa ilang buhatan.
Pahimangno ni Sorilla nga kinahanglang sayron pag-ayo ang mga gapang-recruit og kung mahimo pangayo-an kini silag special recruitment permit gikan sa POEA o ba kaha e.pangutana sa PESO kung legal ba kini nga recruitment agency.
Samtang depensa sa suspetsado nga si Jorigue nga siya lang ang ga-refer sa mga mangaplay abroad ug aduna kini siyay amo nga nailang si Hedjam Mamailaw nga taga Marawi City.
