Report ni: Jennifer Debaja Palomo
Masobra man isa ka semana nga gutom kag kulba ang gin antus ni Regielyn Parcia Bernando sang Bungca, Barotac Nuevo matapos nang lock ini sa iya kwarto sa Kuwait tungod ginapilit nga ebaligya sang iya amo sang maglisensiya nga mapauli kay natapos na ang iya kuntrata sang Hunyo 4.
Sa panaysayon ni Regie, nagapakatig ang amo sini bisan pa tapos na ang iya kuntrata kag gin kuntsabo pa ang iya nanay nga kuhaon siya kag ipalagyo rason nga naglock na ini sa kwarto. Nagahilibion ini samtang naga panaysayon nga mapan-os na nga pagkaon ang iya gin agwanta kaunon para lang masudlan ang iya tiyan.
Dugang pa sini, naga gwa siya sa kwarto kon mabatian naglakat ang mga amo kag madasig nga mangita sang pagkaon sa ref. Itlog gid lang pirmi ang iya makuha kag dasig dasig nga lutuon kag magbalik sa kwarto.
Tungod sa pagpakatig a sang amo nga makipag negosyar, napilitan nga mangayo sang assistance sa Saudi Police ang aton embahada kag upod sang taga agency nakuha si Regie sa balay sang amo kahapon.
Malipayon na ini nga nagpalab-ot sang mensahe nga idul-ong na siya sa airport kag makapauli na sa iya pamilya sa Barotac.
