SIPALAY CITY – Sunog ang halin sa paa pakadto sa ulo nga parte sang lawas sang isa ka iloy matapos ini ang gintutdan sang iya mismo kaugalingon nga anak nga may deperensya sa paminsaron.
Nakilala ang biktima kay Gloria Esing, 63 anyos samtang ang bata nakilala kay Rolando, 42 anyos.
Natabo ang insedente kahapon sang udto, pasado las 11 sa Sitio Talaptap, Barangay Cabadiangan sang ang halos tanan nga miembro sang ila pamilya ang nagdulhog sa syudad sang Sipalay para magkuha sang benipisyo sa 4Ps.
Sa imbestigasyon sang dyHb nga ginlampusan anay sang suspek sang pala ang iya iloy sa sulod sang ila balay samtang nagalikit sang tabako, sang nalipong, ginguyod nya ini sa CR, mga 20 metros ang antad sa ila puluy-an.
Didto na kag gintampukan nya sang laya nga dahon sang lubi ang lipong nga lawas sang iya iloy kag ginsindihan.
Gilayon naman nga naaresto ang suspek matapos ang kremin bangod sa pagpahibalo sang pito ka tuig nga bata ni Rolando sa mga kaigod sa diin iya man gin-ako ang pagpatay. / DYHB RMN Bacolod photo
