Patay ang isa ka iloy matapos nga luthangon sang iya sini nga mister sa bahin sang Barangay Datal Bob, T`boli, South Cotabato alas 9:45 sang aga sang Hunyo 4, 2019.
Ginkilala ang biktima kay Emma Cabel Segundo, 55- anyos, samtang ang suspek ang ginkilala naman kay Freddie Cail Segundo, 47-anyos, mangunguma kag pareho residente sang nasambit nga lugar.
Suno kay Police Major Bernie Faldas, Chief of Police sang T`boli Pnp nga nagbaisay ang biktima kag suspek tungod luyag sini nga ipaisol sa bata sang biktima ang kaso batok sa iya.
Nahibaluan nga may tatlo ka mga kabataan ang biktima antes pa man sila magpakasal sang suspek.
Nakangkon naman sang igo sang bala ang biktima sa iya lawas kag ulo nga nangin tunaan sang iya hinali nga kamatayon.
Narekober naman sa crime scene ang 4 ka fired cartridge sang kalibre 45 nga armas luthang.
Sa subong padayon naman nga ginapangita ang suspek nga mister.
