Nagpatunda liwat ang iloy nga si Olivia Yanson sa iya mga kabataan (Yanson 4) nga mahimo lang maistoryahan ang mga nagkatabo sang nakaligad kon ini sila ang magpalapit sa iya.
Madumduman nga may gindagdag nga warrant of arrest si Judge Abraham Bayona sang Branch 7 sang Municipal Trial Court sa Bacolod City sang March 10 kontra kanday Emily Yanson, Roy Yanson, Ricardo Yanson Jr., Maria Lourdes Celina Yanson Lopez lakip man sanday Jerica Leanne Ramos, Jerina Louise Ramos, Ma. Judy Alcala, PGen. Noli Romana kag PCol. Jomil John Trio.
May angot ini sa gin-allege nga grave coercion nga kaso sang tuyo nila nga i-take over ang management sang Vallacar Transit Inc. sa ila utod nga incumbent president nga si Leo Rey Yanson sang July 2019.
Sang ginserbe ang warrant of arrest, wala sa ila tagsa ka mga puluy-an ang apat kag may mga report nga iban sa ila ang nag-abroad.
[image: image.png]
