Wala mohatag sa iyang komentaryo si Councilor Romeo Calizo sa nahitabong misencounter nila ni Police Chief Master Sergeant Jose Ryan Sevilleno sa Puerto Police station ug Staff Sergeant Arman Tagolimot nga na-assign sa Misamis Oriental Police Provincial Office sa Misamis Oriental.
Matud ni Calizo nga iya na lamang itugyan sa Internal Affairs Service o IAS ang pag-imbistigar sa misencounter sa duha mga Police niadtong Huwebes sa milabayng semana nga nadalahig pa ang upat ka mga sibilyan.
Si Calizo nga Chairman sa Committee on Police fire and Public Safety mi-ingon nga nasayod na ang mga kadagkoan sa Philippine National Police kon unsay ilang mga patakaran sa oras nga dunay mahitabong misencounter sa ilang mga police personnel.
Una pa niini, si Police Staff Sergeant Tagolimot, naglakag sa usa ka wanted person gikan sa Tagoloan Misamis Oriental apan sa iyang pag-abot sa barangay Puerto iyang naengkwentro si Police Chief Master Sergeant Jose Sevillero nga nag-resulta sa ilang pagka injured ug pagka angol sa lain pang upat ka mga sibilyan.
