Kalibo, Aklan – Gin umpisahan eon it Department of Interior and Local Government (DILG) rong imbestigasyon sa pagpatapan it bukid sa Brgy. Yapak, Boracay, Aklan.
Suno kay Asec. Epimaco Densing III it DILG nga rong Costa Vista ro developer ag ginapanag-iyahan nanday Sen. Cynthia Villar kung siin ginpahayag kara nga bago pa man ginpasara ro isla it Boracay hay nakabuoe eon raya it permiso ag naumpisahan eon ro pagtapan.
Nasayuran nga igapatindog kara ro mabahoe nga Condo Hotel sa nasambit nga lugar.
Dugang pa kara nga kunta hay gin papindo eon raya it barangay bangud sayod man nanda nga bawae rong pag guba it bukid.
Nag itsura mang wild wild west ro isla sa mga nagakatabo kung siin uwa it ginasunod nga laye.
Makaueogot man suno kana rong mga nagakatabo pero kinahangean rayang maimbestigahan bago pa man magpaguwa it ano mang development.
