General Santos City—mas gipalawman pa karon sa kapulisn sa President Quirino, Sultan Kudarat ang ilang gihimong imbistigasyon kalabutan sa pagpusil patay sa kulumnista ug volunteer reporter sa DXMY-RMN Cotabato nga si Leodoro Diaz o mas nailang si Leo Diaz sa Barangay Kalanawi President Quirino, niadtong Lunes sa buntag.
Sumala ni Police Chief Inspector Joan Resurrection, Hepe sa President Quirino Municipal Police Station nga daghang anggulo ang ilang gitutukan sa kasamtangan, usa na niini ang kalabutan sa iyang trabaho isip kulumnista ingon man ang bahin sa punay nga pag witness niini sa mga illegal drug operation sa kapulisan sa Sultan Kudarat.
Gikumperma usab ni PCI Resurection sa pakighinabi kaniya sa RMN Gensan nga adunay bahad sa iyang kinabuhi ang biktima ayha kini gipusil patay.
kini basi na usab sa pahayag sa pamilya niini, apan wala niya nasulti kung si kinsa ang nagbahad kaniya.
Samtang gikatakda usab nga ipasuta sa kapulisan ngadto sa Cyber Crime ang cellphone sa biktima sa pamasin nga makakuha ug lead bahin sa nagbahad sa kinabuhi sa nashisgutan.
Gikumperma usab ni John Paul Jovelag Publisher sa Mindanao Bulletin ug Sapol News Paper nga daan nang nag sulti ngadto kaniya si Leo nga duna kini bahad, apan wala lang niya napangutana kung si kinsa ang nag bahad kaniya.
Dugang pa niini nga si Leo napulo na katuig nga nag trabaho kaniya ug usa matud pa kini ka hard hitting nga kulumnista sa area sa Sultan Kudarat ug Maguindanao.
Tungod niini dako ang pag tuo ni jovelag nga tungod gyud sa iyang trabaho ang hinungdan sa pagpatay ngadto kaniya.
Gihingusgan usab ni John Paul Jovelag nga dili lang dapat ang PNP ang mag imbistiga sa kaso ni Leo Diaz. dapat matud pa manghilabot na niini ang NBI aron nga mas mapadali ang imbistigasyon sa kaso.
Nanawagan usab kini ngadto sa mga miyembro sa media sa SOCKSARGEN nga mag tinabangay sa pag tutok sa kaso sa nahisgutan aron dili mahisama sa mga kaso sa mediang gipangpatay nga wala pay kasulbaran hangtud sa kasamtangan.
alang sa dugang mga Balita paminaw sa DXMD 927khz-Rmn Gensan, mga lab-as ug dagkong balita inyong madunggan!
