General Santos City— Mas gipakusgan pa ang papatuman sa ordinansya sa dakbayan sa Gensan nga mao ang Anti- Smoking Ordinance. Nasayran nga nagtuyok na usab ang mga Anti-Smoking Enforcers sa GenSan batok sa mga nakasupak sa balaud batok pagpanigarilyo.
Sumala kang Executive Assistant Jose Kevin Sienes, adunay mga tindahan nga nahatagan na ug ticket sa mga miyembro sa Philippine Wide Anti-Smoking Operations For Health (PWASOH) ug aduna usab mga tawo nga na-isyuhan na ug ticket gumikan sa pagpanigarilyo sa mga lugar kung asa hugtanong ginabawal ang pagpanigarilyo.
Nasayran nga unang nakadawat og report si Sienes gikan sa Department of Health Focal Person batok pagpanigarilyo kung asa may mga tindahan sa GenSan nga naga-display og advertisement sa sigarilyo. Nabalaka matud pa ang taga DOH rason nga gihatagan ug impormasyon ang lokal nga panggamhanan sa Gensan.
Kahibaluan nga subay sa ordinansa, ang tindahan nga ma-hatagan ug ticket ang adunay multa nga 5 mil ka pesos samtang ang mga indibidwal nga makasupak ang adunay multa nga tag P2, 500 nga pwedeng bayaran sa barangay o sa City Treasurerās Office.(LVR)
