Ihap sa mga drug suspect nga napatay sa operasyon sa South Cotabato, mi-abot na sa 59

14

South Cotabato— Mi-abot na sa 59 ang ihap sa mga napatay nga drug suspect sa managlahing anti-illegal drug operations sa kapulisan sa probinsya sa South Cotabato.
Ang maong datus sugod pa sa bulan sa Enero niining tuiga hangtud ning kasamtangang bulan. Matud ni Police Lt. Col Lino Capellan, Chief sa Police Community Affairs Division sa South Cotabato PNP, tanan nga napatay sagad gikaingong misukol sa mga otoridad.
Dugang sa datus, mokabat usab sa 478 ka mga police operation ang ilang napahigayon, ug sa maong ihap, 361 ka mga personahe ang naaresto, 496 ang napasakaan ug kaso, samtang mokabat sa 12 milyon pesos ang kantidad sa iligal nga droga ang ilang nakumpiska.

Facebook Comments