Pagadian City – Pait ang gidangatan sa usa ka inahan human kining giunay pagpatay sa iyang anak nga adik pinaagi sa pagbundak og bato sa iyang ulo.
Ang makapanglimbawot nga balahibong panghitabo didto natigayon sa Purok Malungay, Brgy. Banale ning syudad sa Pagadian.
Sa nahipos nga impormasyon sa RMN-DXPR Pagadian, dead on the spot ang biktima nga nailang si Gina Tinga, 47 anyos human gibundakan ang ulo og bato sa iyang anak nga si Almir Tinga samtang kini nanlaba sa sapa.
Sa interview sa RMN Newsteam kang Willy ang bana sa biktima, gikomperma niya kanhing adik ang iyang anak nga suspek og andam silang mosang-at og kaso aron kini masilotan.
Sa ulahing impormasyon nadakpan ang suspek sa mga tanod sa Barangay banale og gipaslak na kini sa selda sa Pagadian City PNP.
