Magapatigayon sang inaugural session sa Lunes nga adlaw ang mga magapungko nga miyembro sang 13th Sangguniang Panlalawigan sang South Cotabato sa diin hatagan sang 3 tubtob 5 ka minutos ang mga board members nga magdeliver sang ila nga inaugural message.
Kadungan sini suno kay South Cotabato Vice Governor Vicenti de Jesus ipatigayon ang ammendments sang ila nga internal rules kon may-yara bag-o ang adoption kag pagpinalisar sang Committee chairmanship kag membership sang mga katapo sang SP.
Samtang ginhatagan na nila sang tribute suno kay Vice Governor de Jesus ang mga manughalin nga miyembro sang 12th Sangguniang Panlalawigan sang South Cotabato sang tinalikdan nga adlaw.
Suno sa bise gobernador nagpasalamat ang apat ka mga board members sa ginpatigayon nga tribute sa mga ini.
Nahibaluan nga ang mga manughalin nga miyembro sang SP amo sanday Board Member Romeo Tamayo nga magapungko bilang alkalde sang banwa sang Tupi, Board Members Agustin Demaala, Cecile Diel, Romulo Solivio kag Sheela Mar Baclaan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
