Inauguration ni VP-Elect Sara Duterte plastado na

34
Davao City – Nakahan-ay na ang programa sa inagurasyon ni outgoing Davao City Mayor ug Vice President (VP) elect Sara Duterte-Carpio sa June 19, 2022 (Domingo).

Sumala ni Mayor Sara (sa interbyu sa city-owned radio), alas 2:00 sa hapon, abli na alang sa publiko ang San Pedro Square, Davao City kung asa himuon ang aktibidad, diin adunay libreng sakay ug libreng snacks ang ihatag sa mga attendees.

“Mag-open ang atoang venue at 2pm. So ang mga tao pwede na sila mupili kung asa sila didto sa upat ka entrances nga muagi. Pagsulod sila, ihatag na sa ilaha ang ilahang snacks. Ang tubig available sya didto sa area kung asa sila. Naay mga water stations nga ginatawag nato,” sulti sa alkalde.

Alas 3:00 hangtud alas 4:00 sa hapon ipahigayon ang Misa sa San Pedro Cathedral, dayon adunay photo opportunity uban ang personahe sa simbahan (archbishop, bishop, monsignor, priest, nuns) nga mutambong sa inauguration mass.

Human niini, adunay transition padulong sa inauguration ceremony nga himuon alas 4:30 hangtud alas 5:30 sa hapon.

Human sa seremonya, aduna na usay transition alang sa Musikahan kun concert gikan alas 6:00 hangtud alas 11:00 sa gabii. Sa maong panahon adunay kahigayonan nga magpa-picture kang VP-elect Sara Duterte atubangan sa City Hall o Quezon Park ning dakbayan sa Davao.



RadyoMaN Kirby Manzon

Facebook Comments