Davao City – Wala gibiyaan sa Department of Public Works and Highways (DPWH) ang road construction project sa may Indangan ning syudad sa Davao.
Kini mao ang pagpaklaro ni DPWH spokesperson Dean Ortiz atol sa interbyu kaniya sa Kuskos Batikos Midday Edition ni RadyoMaN Joel Viray subay sa reklamo nga gipadangat sa DXDC RMN Davao gikan sa mga motorista sa maong lugar.
Sumala ni Ortiz nga gipailawom sa negosasyon sa ‘right of way’ ang portion sa dalan nga wala nahuman diin matud pa kinahanglan usa mabayaran sa gobyerno ang propiyedad sa mga imprastraktura nga kinahanglan gubaon.
“Dili angay nga i-conclude nato nga gibiyaan na kay mura og gibiyaan napod nato ang responsibilidad sa katawhan nga maoy nagbayad ana nga proyekto pinaagi sa ilang mga buhis,” segun niini.
Samtang nagpaabot, gi-awhag sa maong tigpamaba ang mga land owners nga adunay pending nga claims sa DPWH nga paagian na lamang ang ilang lugar sanglit bayaran sa gihapon kini sa gobyerno aron dili usab madelatar ang gipahigayong proyekto.
RadyoMaN Jason Amisola
