BACOLOD CITY – (3rd Update) Ginapanginwala sang Habagat Security Agency nga empleyado nila ukon nangin gwardiya si Sandy Sevilla, 27 anyos, ang suspek nga nakapatay sa sikat nga artist, painter sa Bacolod nga si Nunistell Mae Fulo kahapon sang aga.
Suno sa Operations Officer sang Habagat Security Agency nga si Divino Pabilona, nga wala sila sang gwardiya nga Sandy, kundi Sonny Sevilla nga utod naman sang suspek.
Ginklaro sang security agency nga bisan si Sonny ang resigned naman gani pito ka bulan na karon ang nakaligad.
Ginpahayag ni Pabilona nga ginlantaw man niya ang hitsura ni Sandy agud makumparar ini kay Sonny kag didto iya nakita nga lain ang hitsura sini.
Si Sandy Sevilla amo ang suspek nga nagbuno kay Nunistell Mae Fulo kag sa iya kabulig nga si Mary Grace Mupada pasado las 6 kahapon sang aga sa Purok 5, Brgy. Granada.
Hugot man nga gina-deny sang security agency ang akusasyon sang live-in partner ni Sevilla nga si Darren Bernal nga masami atrasado ang ila sweldo kag benepisyo, sa diin ginsiling ni Pabilona nga indi ina matuod bangud on time kag wala sang palya ang benepisyo sang ila mga gwardia.
Nahibaluan nga ginbuko kuntani sang suspek nga magpangawat sa balay ni Nunistell apang ini siya ang nabugtawan gani iya nabuno ang biktima nga gintunaan sang kamatayon sini, samtang si Mary Grace naman ang padayon nga ginabulong sa ospital./dyHB BACOLOD
