INDI MATUOD | Ginareklamo nga mahigko nga CR sa Senator Gerry Roxas Memorial District Hospital sa banwa sang Dao, ginsabat sang ila pamunoan

245

Dao, Capiz- Ginsabat na sang pamunoan sang Senator Gerry Roxas Memorial District Hospital sa banwa sang Dao ang ginareklamo nga mahigko nga CR sang pedia ward sini matapos nga isa ka concerned citizen ang nagpadala sang litrato sang amo nga CR sa DYVR.

Suno pa kay Chief Nurse Andrelyn Estorque nga magaduha pa gid lamang ka bulan sang nag-angkon sila sang supply sang tubig pinaage sa NAWASA matapos ang lima ka tuig nila nga pagmantiner sang tubig sa tasok nga amo ang rasun kon ngaa nagatina-on ang tiles sang CR.

Suno pa diri nga sang nagligad lang nga tuig man sang gin-islan ang tiles sang amo nga CR kon sa diin ini ang ginhimo na nga maroon ang kolor kag indi na puti pa agud nga indi na masyado pa makit-an ang higko okun tina nga nagatapik diri.

Suno pa diri nga mahimo nga sang nakaligad pa nga tuig nga litrato ang ginpadala sang amo nga concerned citizen sa DYVR.

Sa subong suno kay Estorque, nagapadayon ang improvement sang mga pasilidad sang nasambitan nga government hospital.

Facebook Comments