Padayon ang Bureau of Fire Protection kon BFP – Northern Mindanao sa ilang information dissemination para sa ilang kampanya nga malikayan ang sunog.
Kini alayon pa gihapon sa pagsaulog sa tibook bulan sa Marso sa fire prevention month.
Sa interview sa RMN DXMB Malaybalay ngadto kang BFP 10 Regional Spokesperson Noli Dela Rita, gibutyag niini nga tanang information platform nga dili magkinahanglan ang face to face ang ilang gihimo aron mapaabot sa katawhan ang pahimangno aron malikayan ang sunog.
Nasayran nga sa tuig 2019 adunay natala nga 1, 267 ka kaso sa sunog sa tibook rehiyon 10.
867 ka sunog sa 2020 samtang sa Enero hangtod Marso 19 ning tuiga adunay 86 ka insidente sa sunog ang ilang natala.
Matud pa ni Dela Rita nga sa tibook rehiyon 10 ang Bukidnon lang ang adunay fire station sa kada lungsod.
Wala matud pa kini nahuman dinhi tungod kay apil sa ilang misyon nga mabutangan ug fire station ang kada barangay.
