Davao City – Gipasigarbo ni Davao City Traffic Group Head Police Superintendent Ernesto Castillo nga negatibo sa paggamit sa gidili nga droga ang iyang mga ginsakpan.
Sumala ni Castillo nga walay ni usa sa 87 sa iyang mga personahe ang nagpositibo sa gidiling droga human gipailawom sa surprise drug test ang mga traffic police nga gipahigayon sa ilang buhatan sa Barangay 76-A, alas 10:00 gahapon sa buntag.
Gipasabot ni Castillo nga kabahin sa paglimpyo sa hanay sa kapulisan ang supresa nga drug test nga mahitabo matag duha ka hugna sa usa ka tuig kung asa negatibo sa resulta sa droga ang iyang mga sakop.
Kumpiyansa ang opisyal nga mamintar sa iyang mga ginsakpan ang integridad human migawas nga walay ni usa kanila ang nalambigit sa paggamit ug pagpayuhot og iligal nga droga.
Gipasigarbo pa niini nga walay ni usa ka sumbong ang miabot sa buhatan sa opisyal batok sa iyang mga sakop labot sa pag-sulod sa makamatay nga bisyo sa droga.
RadyoMaN Joel Viray
