Gi-imbistigahan sa Divisoria Police Station ang kapakyas sa Freedom Traders Club sa pagbayad sa monthly interest sa ilang mga investors sulod sa upat ka bulan.
Kini human si Peter Lou Nuñeza, 38 anyos nga taga Room 210 ER Codoy Building, Pabayo-Gomez ning syudad ang mireklamo sa Divisoria Police Station batok sa Freeman Traders Club, ug Ploutrade Innovation Company tungod sa kapakyas sa maong kompanya pagbayad sa monthly interest sa ilang gi-invest nga 1.7 million pesos nga kapital.
Matud ni Nuñeza nga sila si Mark Anthony Jaudian nga parehong Investor sa Freeman Traders club ug Pluotrade Innovation Company, nag-deposit sila sa ilang Investment Capital nga 1.7 million pesos niadtong bulan sa Mayo.
Apan matud ni Nuñeza nga si Mark Steven Freeman nga maoy Chief Executive officer sa Freedom Traders club, napakyas pagbayad sa interest sa kantidad nga tunga sa milyon ka pesos silbing 20 percent monthly interest sa ilang gi-invest nga 1.7 million pesos.
Matud ni Nuñeza, nga niadto pa untang 2nd week sa bulan sa September, dapat bayran na sila ni Mr. Freeman sa tunga sa milyon ka pesos nga interest.
Apan matud ni Nuñeza nga human sa ilang pag-invest niadtong bulan sa Mayo, si Freeman, wala pa magpakita busa iya kining gidala sa Divisoria Police Station aron ma-imbestigahan.
“We don’t know what happened to our investment after the money was given to Mark Freeman, at Pabayo/Gomez st. this City” matud ni Nuñeza, sa iyang reklamo sa Divisoria police station kagahapon.
